मिळालेल्या माहितीनुसार बिहारमधील रोहतास जिल्ह्यातील चेनारी पोलीस स्टेशन परिसरात सोमवारी प्रवासी बस एका पार्क केलेल्या ट्रकला धडकल्याने तीन जणांचा मृत्यू झाला, तर 15 जण जखमी झाल्याचे सांगण्यात येत आहे. तसेच हे सर्व लोक राजस्थानहून गया येथे पिंड दान देण्यासाठी येत होते. पोलिसांनी दिलेल्या माहितीनुसार, राजस्थानच्या झालावाड जिल्ह्यात राहणारे अनेक लोक प्रवासी बसमध्ये पिंड दान करण्यासाठी गया येथे जात होते. यावेळस चेनारी पोलीस स्टेशन परिसरातील साबराबादजवळ चालकाचे बसवरील नियंत्रण सुटल्याने बस रस्त्याच्या कडेला उभ्या असलेल्या ट्रकला धडकली. या अपघातात तीन प्रवाशांचा मृत्यू झाला आहे. तसेच हे मृत व्यक्ती एकाच कुटुंबातील असल्याची माहिती समोर आली आहे.
