Bengaluru: बंगळुरूच्या अनेकल तालुक्यातील अट्टीबेळे येथील फटाक्यांच्या गोदामाला शनिवारी दुपारी 4.30वाजता भीषण आग लागली. काही वेळातच आग दुकानात पसरली. या अपघातात 15 जणांचा मृत्यू झाल्याचं सांगण्यात येत आहे. दुकान मालकासह अन्य चार जण होरपळल्याचे वृत्त आहे. त्याच्यावर रुग्णालयात उपचार सुरू आहेत. त्यापैकी एकाची प्रकृती चिंताजनक असून त्याला दुसऱ्या रुग्णालयात पाठवण्यात आले आहे.
हा अपघात जेव्हा एका लॉरीतून फटाके उतरवले जात होते. तेव्हा झाला. या अपघातात सुमारे 15 जणांचा मृत्यू झाला आहे. घटनेची माहिती मिळताच अग्निशमन दलाचे जवान आणि पोलीस घटनास्थळी दाखल झाले. खूप प्रयत्न करूनही आगीवर नियंत्रण मिळवता आले नाही. फटाक्यांच्या गोदामात सुमारे 20 कर्मचारी असल्याचे सांगण्यात येत आहे. अपघाताच्या वेळी चार कर्मचारी जीव मुठीत घेऊन पळून जाण्यात यशस्वी झाले.
बालाजी क्रॅकर्स गोदामात कॅंटरमधून फटाके उतरवताना हा अपघात झाला. सध्या 80 टक्के आगीवर नियंत्रण मिळवण्यात यश आले आहे. या घटनेत दुकान मालकही भाजला. पोलिसांनी सांगितले की, आथिबेले सीमेवर असलेल्या बालाजी क्रॅकर्स फटाक्यांच्या गोदामात हा अपघात झाला. त्याच्या मालकाचे नाव नवीन असे होते. अपघातातील मृतांची ओळख पटविण्याचे प्रयत्न सुरू आहेत.
मुख्यमंत्री सिद्धरामय्या यांनी या अपघातावर शोक व्यक्त केला आहे.ते म्हणाले की, बेंगळुरू शहर जिल्ह्यातील अणेकलजवळील फटाक्यांच्या दुकानाला लागलेल्या आगीत 15 जणांचा मृत्यू झाल्याची बातमी ऐकून मला खूप दुःख झाले. अपघातस्थळी जाऊन पाहणी केली असून अपघातात मृत्युमुखी झालेल्यांच्या कुटुंबियांना प्रत्येकी 5 लाख रुपयांची भरपाई जाहीर केली आहे. मृत कामगारांच्या कुटुंबीयांच्या प्रति संवेदना व्यक्त केल्या आहे.
