जम्मू-काश्मीरमधील अलुसा बांदीपोरा येथील जेत्सून जंगल परिसरात मंगळवारी दहशतवादी आणि सुरक्षा दलांमध्ये चकमक सुरू झाली.सूत्रांकडून मिळालेल्या माहितीनुसार, सुरुवातीच्या गोळीबारात एक दहशतवादी मारला गेला आहे. चकमक सुरू आहे आणि आता त्याचा प्रभाव बांदीपोरा येथील चुनपथरी भागात दिसून येत आहे. बांदीपोरा पोलिस आणि 26 आसाम रायफल्सचे संयुक्त पथक या कारवाईत सहभागी आहे. सुरक्षा दलांनी संपूर्ण परिसराची नाकेबंदी केली आहे.
याआधी रविवारी जम्मू-काश्मीरच्या श्रीनगरमध्ये दहशतवाद्यांनी रविवारी बाजाराच्या गजबजलेल्या भागात ग्रेनेडने हल्ला केल्याची घटना समोर आली आहे. या हल्ल्यात 12 जण जखमी झाले असून, त्यांना रुग्णालयात दाखल करण्यात आले आहे.
दहशतवादी हल्ल्यांच्या वाढत्या घटनांमुळे केवळ स्थानिक रहिवाशांमध्येच नाही तर पर्यटक आणि व्यावसायिकांमध्येही भीतीचे आणि अनिश्चिततेचे वातावरण निर्माण झाले आहे. या हल्ल्यांना तोंड देण्यासाठी सुरक्षा दलांकडून कडक उपाययोजना केल्या जात आहेत, मात्र अशा घटनांमुळे परिसरात तणावाचे वातावरण आहे.
