Madhya Pradesh News: मध्य प्रदेशातील नर्मदापुरममध्ये एक खळबळजनक हत्याकांड उघडकीस आले आहे, जिथे शहरातील पीली खांती कॉलनीमध्ये आई आणि मुलीचे मृतदेह आढळले आहे. दोघांचीही कुऱ्हाडीने हत्या करण्यात आल्याचे पोलिसांनी सांगितले. मुलीचा मृतदेह बाहेर रस्त्यावर आढळला तर आईचा मृतदेह अंगणात आढळला. दोघांचीही हत्या अतिशय क्रूरपणे करण्यात आली आहे. संशयाच्या आधारे काही लोकांची चौकशी केली जात असून लवकरच या प्रकरणाचा उलगडा होईल, असे पोलिसांनी सांगितले आहे.
पोलिसांनी दिलेल्या माहितीनुसार, आईचे नाव पूजा मौर्य आणि मुलीचे नाव पल्लवी मौर्य आहे. या हत्येमुळे परिसरात खळबळ उडाली आहे, लोक वेगवेगळ्या गोष्टींबद्दल बोलत आहे. ही घटना रविवारी संध्याकाळी घडली. माहिती मिळताच नर्मदापुरमचे एसपी पोलिस दलासह घटनास्थळी पोहोचले आणि तपास सुरू केला.
