धुक्यामुळे भीषण अपघात, टँकरने टेम्पोला धडक दिली, 12 जणांचा जागीच मृत्यू

Uttar Pradesh Accident News: उत्तर प्रदेशातील शाहजहांपूर जिल्ह्यात गुरुवारी सकाळी झालेल्या भीषण रस्ता अपघातात सुमारे 12 जणांचा मृत्यू झाला. अल्लाहगंज पोलीस ठाण्याच्या हद्दीत दाट धुक्यामुळे टँकरने टेम्पोला धडक दिल्याने हा अपघात झाला.

या अपघातात सुमारे डझनभर प्रवाशांचा मृत्यू झाल्याचे वृत्त आहे. पोलिसांनी घटनास्थळ गाठून जखमींना रुग्णालयात दाखल केले. सेहरा मऊ दक्षिण पोलीस ठाण्याच्या हद्दीत ही घटना घडली.

ऑटोमधून भाविक प्रवास करत होते

टेम्पोमध्ये बसलेले भाविक शहाजहानपूरच्या मदनापूर पोलीस ठाण्याच्या दामगाडा गावातून गंगा स्नानासाठी धाई घाटाकडे जात होते. वाटेत एका ट्रकने त्याला चिरडले.

आरोपी चालकाला अटक

ऑटोला धडक देऊनही ट्रक थांबला नाही आणि चालकाने तेथून पळ काढला. गावकऱ्यांनी 12 किमी पाठलाग करून आरोपी ट्रकचालकाला पकडले. घटनेची माहिती मिळताच पोलीस प्रशासनही घटनास्थळी दाखल झाले.

पोलिसांनी घटनास्थळाचा आढावा घेतला आणि लोकांकडून घटनेची माहिती घेतली. पोलिसांनी सर्व मृतदेह ताब्यात घेऊन पोस्टमार्टमसाठी पाठवले आहेत.

मुख्यमंत्री योगींनी शोक व्यक्त केला

मुख्यमंत्री योगी आदित्यनाथ यांनी शाहजहांपूर येथील रस्ता अपघाताची दखल घेतली. त्यांनी मृतांच्या कुटुंबीयांप्रती शोक व्यक्त केला तसेच जखमींना तातडीने रुग्णालयात नेऊन त्यांच्यावर योग्य उपचार करण्याच्या सूचनाही त्यांनी जिल्हा प्रशासनाच्या अधिकाऱ्यांना दिल्या.

यासोबतच जखमींच्या लवकरात लवकर बरे होण्यासाठी त्यांनी शुभेच्छा दिल्या. सीएम योगी यांनी जिल्हा प्रशासनाच्या अधिकाऱ्यांना घटनास्थळी पोहोचून मदतकार्य जलद करण्याच्या सूचना दिल्या आहेत.