श्रीहरीकोटा येथील सतीश धवन अवकाश केंद्रात जीएसएलव्ही मार्क-3 या सर्वांत जड रॉकेटच्या साह्याने कुपीचे अवकाशात प्रक्षेपण करण्याची चाचणी घेण्यात आली. कुपी अवकाशात पाठविल्यानंतर ७३० सेकंदांनंतर अपेक्षेनुसार बंगालच्या उपसागरात पडली. समुद्रात पडण्याआधी ही कुपी रॉकेटपासून वेगळी करण्यात आली होती. आग्रा येथील संरक्षण संशोधन विकास संस्थेने विकसित केलेल्या विशेष पॅराशूटच्या साह्याने ही कुपी अंदमान निकोबार बेटावरील इंदिरा पॉइंटपासून १८० किलोमीटर अंतरावर समुद्रात पडली. या कुपीची आज चाचणी घेताना यात अवकाशवीर नव्हते, तरी त्यांना अवकाशात नेण्याची या कुपीची क्षमता तपासण्यासाठीच घेण्यात आलेली ही चाचणी यशस्वी ठरली.
