मुंबईत आता कोरोनाचा प्रादुर्भाव दिवसेंदिवस कमी होताना दिसत आहे. याच पार्श्वभूमीवर महानगरपालिका क्षेत्रात कोरोनाच्या नियमांमध्ये हळूहळू सूट देण्यात येत आहे. खासगी वाहनांमध्ये मास्क न घातल्यास आता दंड आकारला जाणार नसला तरी सार्वजनिक वाहनांमध्ये मात्र मास्क घालणे गरजेचे आहे, असे पालिकेने नव्या नियमावलीत नमूद केले आहे. कोरोनापासून बचावासाठी मुंबई महानगरपालिकेने 8 एप्रिल 2020 रोजी सर्व नागरिकांना मास्क घालणे बंधनकारक केले होते.
