मार्च 2020 पासून सर्वसामान्यांसाठी बंद झालेली मुंबई लोकल सेवा 1 फेब्रुवारीपासून सर्वसामान्यांसाठी सुरू होणार आहे. सर्व प्रवाशांना सकाळच्या पहिल्या लोकलपासून सकाळी ७ वाजेपर्यंत. त्यानंतर दुपारी १२ पासून दुपारी ४ पर्यंत आणि रात्री ९ पासून शेवटच्या लोकलपर्यंत सर्वसामान्यांना प्रवास करता येणार आहे. मधल्या वेळेत अत्यावश्यक वस्तू सेवा कर्मचाऱ्यांना प्रवास करता येईल.
मागील काही दिवसांपासून राज्य सरकारनं लोकल सुरू करण्यातसंदर्भात हालचाली सुरू केल्या होत्या. अखेर आज यासंदर्भात निर्णय घेण्यात आला असून, एक फेब्रुवारीपासून सर्वांना लोकलमधून प्रवास करता येणार आहे. यासाठी सरकारनं विशिष्ट वेळा ठरवून दिल्या आहेत.
पण, लोकल सरसकट सगळ्यांसाठी सुरू करायला हवी, अशी मागणी विधान परिषदेचे विरोधी पक्षनेते प्रवीण दरेकर यांनी केली आहे.
