Deputy Chief Minister Eknath Shinde News: शिंदे म्हणाले की, बैठक मुंबई महापालिका निवडणुकीबाबत होती. आमच्या सरकारने गेल्या अडीच वर्षात केलेल्या सर्व कामांचा थेट फायदा राज्यातील जनतेला होणार आहे. ही अत्यंत महत्त्वाची बैठक होती.
मिळालेल्या माहितीनुसार शिवसेना पक्षप्रमुख आणि उपमुख्यमंत्री एकनाथ शिंदे यांनी आगामी बृहन्मुंबई महानगरपालिका (बीएमसी) निवडणुका आणि महायुती सरकारने गेल्या अडीच वर्षांत केलेल्या कामांबाबत चर्चा करण्यासाठी पक्षाच्या नेत्यांची बैठक घेतली. गुरुवारी 12 डिसेंबर रोजी रात्री उशिरा पक्षाचे नेते दीपक केसरकर यांच्या निवासस्थानी झालेल्या बैठकीला मुंबईतील अनेक विद्यमान आणि माजी शिवसेना खासदार, आमदार आणि नगरसेवक उपस्थित होते. तसेच निवडणूक आयोगाने अजून बीएमसी निवडणुकांच्या तारखा जाहीर केलेल्या नाहीत, ज्या 2025 च्या सुरुवातीला होतील अशी अपेक्षा आहे.
बैठकीनंतर पत्रकारांशी बोलताना शिंदे म्हणाले की, पक्षाला “सर्व मुंबईकरांचे स्वप्न असलेली मुंबई बनवायची आहे.” उपमुख्यमंत्री शिंदे म्हणाले की, आजची बैठक मुंबई महापालिका निवडणुकीबाबत होती. आमच्या सरकारने गेल्या अडीच वर्षात केलेल्या सर्व कामांचा थेट फायदा राज्यातील जनतेला होणार आहे. ही अत्यंत महत्त्वाची बैठक असल्याचे उपमुख्यमंत्र्यांनी सांगितले. या निवडणुकांसाठी महायुतीने पूर्ण तयारी केली आहे. तमाम मुंबईकरांचे स्वप्न असलेली मुंबई आम्ही घडवू असे देखील ते म्हणाले.
