Mumbai News: महाराष्ट्रातील नवी मुंबईतील एका बांधकाम व्यावसायिकाने आत्महत्या केली. बिल्डरच्या मुलावर एका मोठ्या ड्रग्ज तस्करी टोळीत सहभागी असल्याचा आरोप होता. एका पोलिस अधिकाऱ्याने सांगितले की, बिल्डर गुरुनाथ चिचकर यांनी पहाटे त्यांच्या राहत्या घरी बंदुकीने स्वतःवर गोळी झाडून आत्महत्या केली.
मिळालेल्या माहितीनुसार नवी मुंबईतून एक दुःखद बातमी आली आहे. येथील एका बांधकाम व्यावसायिक गुरुनाथ चिचकर यांनी आत्महत्या केल्याचा आरोप आहे. शुक्रवारी सकाळी त्याने त्याच्या ऑफिसमध्ये स्वतःवर गोळी झाडून घेतली. गुरुनाथ चिचकर हे किल्ले गावठाण जवळील बेलापूर किल्ल्यातील एका इमारतीच्या चौथ्या मजल्यावर राहत होते. त्याचं ऑफिस त्याच इमारतीच्या तळमजल्यावर होतं. चिचकर यांनी एक सुसाईड नोट सोडल्याचे वृत्त आहे. ही चिठ्ठी त्याच्या आईच्या नावावर होती. यामध्ये त्याने लिहिले आहे की, मुंबई एनसीबी आणि बेलापूर पोलिसांकडून वारंवार चौकशी केल्यामुळे होणारा मानसिक ताण सहन न झाल्याने तो हे पाऊल उचलत आहे. त्याचे दोन्ही मुलगे ड्रग्जच्या व्यापारात सहभागी असल्याचे आणि फरार असल्याचे आढळून आले आहे.
तसेच पोलीस अधिकारींनी सांगितले सांगितले की, शुक्रवारी सकाळी चिचकर यांनी त्यांच्या पत्नीला सांगितले की ते इमारतीच्या तळमजल्यावरील त्यांच्या कार्यालयात जात आहे. बराच वेळ झाला तरी तो परतले नाही तेव्हा त्याची पत्नी त्याला शोधायला गेली. तिथे त्यांना ते रक्ताच्या थारोळ्यात आढळले. चिचकर यांना तातडीने रुग्णालयात नेण्यात आले, जिथे त्यांना मृत घोषित करण्यात आले.
डीसीपी म्हणाले की, चिचकर यांच्या कुटुंबीयांनी सांगितले की, गेल्या एक महिन्यापासून ते प्रचंड मानसिक तणावाखाली होते. कारण त्याचे दोन्ही मुलगे हे ड्रग्जच्या व्यापारात सहभागी असल्याचे आढळल्यानंतर मुंबई एनसीबी त्यांना चौकशीसाठी बोलावत होते. मुंबई एनसीबीने गेल्या महिन्यात ड्रग्ज कार्टेलचा पर्दाफाश केला होता.
