बाबा सिद्दीकी हत्येप्रकरणी मुंबई गुन्हे शाखेच्या पोलिसांनी उत्तर प्रदेशातील बहराइच येथून दोन संशयितांना ताब्यात घेतले आहे. हरीशकुमार बलकाराम (23 वर्षे) असे ताब्यात घेतलेल्या एकाचे नाव आहे. पोलिसांनी दिलेल्या माहितीनुसार, हरीशचे महाराष्ट्रातील पुणे येथे भंगाराचे दुकान असून बाबा सिद्दीकी खून प्रकरणात अटक करण्यात आलेला धरमराज कश्यप आणि फरार आरोपी शिवकुमार हा हरीशच्या दुकानात काम करायचा.
पोलिसांचे म्हणणे आहे की, हरीशने काही दिवसांपूर्वी दोघांना नवीन मोबाईल फोन दिले होते. या घटनेबाबत हरीशला आधीच सर्व माहिती होती, असा पोलिसांचा विश्वास आहे. मुंबई पोलिसांनी सांगितले की, त्यांना संशय आहे की हरीश देखील या कटाचा एक भाग आहे आणि त्यानेच शूटर्सना पैसे आणि इतर मदत केली होती.
