मिळालेल्या माहितीनुसार मुंबईतील विलेपार्ले पूर्वेकडील कांबळीवाडी येथील ३५ वर्षे जुने पार्श्वनाथ दिगंबर जैन मंदिर पाडल्याबद्दल जैन समुदाय संतप्त आहे. मंदिर पाडण्याच्या कारवाईविरोधात, शनिवारी सकाळी ९:३० वाजता अहिंसक रॅली काढण्यात येईल. महाराष्ट्र सरकारचे कॅबिनेट मंत्री मंगल प्रभात लोढा, आमदार पराग अलवाणी, जैन समाजाचे संत आणि मोठ्या संख्येने लोक या रॅलीमध्ये सहभागी होतील. अशी माहिती समोर आली आहे.
बीएमसीच्या हुकूमशाही कारवाईबद्दल जैन समाजात प्रचंड संताप आहे आणि लोकांनी दोषी अधिकाऱ्यांवर कारवाईची मागणी केली आहे. विशेष म्हणजे महाराष्ट्रात भाजपच्या नेतृत्वाखालील सरकार कार्यरत आहे. बीएमसीचा कार्यकाळ संपल्यानंतर, प्रशासनाची जबाबदारी आता सरकारकडे आहे. यामुळे विरोधकही लक्ष्य करत आहे. मंदिर वादाबाबत, जैन समुदायाने बीएमसीच्या नोटीसविरुद्ध न्यायालयात याचिका दाखल केली होती. ज्यावरील सुनावणी गुरुवारी होणार होती, पण त्याआधी बुधवारी सकाळी बीएमसीचे पाडकाम पथक तिथे पोहोचले. लोकांच्या अनेक विनंत्या असूनही, मंदिर पाडण्यात आले. यामुळे जैन समाजात प्रचंड संताप आहे. त्यांचे म्हणणे आहे की, बीएमसी प्रशासनाने न्यायालयाच्या निर्णयानंतरच कोणतीही कारवाई करायला हवी होती.
