आता मुंबईकर स्वबळावर कोरोनामुक्त झाले म्हटल्यावर भाजपा नेते आणि माजी शिक्षण मंत्री आमदार अँड आशिष शेलार यांनी मग राज्य सरकार आणि महापालिकेनं केलं काय असा थेट सवाल मुख्यमंत्री उद्धव ठाकरे सरकारला केला आहे. त्यांनी आरोप केले मुंबई महापालिका व राज्य सरकारने केलेले दावे साफ खोटे आहेत. झोपडपट्टी परिसरातील सार्वजनिक शौचालयांचं निर्जंतुकीकरण केलं नाही. तसेच इमारतींचं निर्जंतुकीकरण केलं नाही. अशात ज्यांची रोगप्रतिकारक शक्ती चांगली होती, किंवा जे मुंबईकर त्यासाठी आवश्यक उपाययोजना करीत होते, त्यांना कोरोनाची लक्षणे जाणवली नाहीत. त्यांनी स्वबळावर कोरोनावर मात केली.
