कॉर्न म्हणजे मक्का हे सर्वानाच आवडतं. भाजून किंवा ह्याची भेळ बनवून देखील आपण खाऊ शकतो. मक्का फार पौष्टीक असतो. या मध्ये फॅट, कार्बोहायड्रेट, प्रथिनं, फायबर सह महत्वाचे व्हिटॅमिन आणि खनिज मुबलक प्रमाणात आढळतात. यामुळे हे शरीरासाठी आवश्यक असणारे पोषक घटक पुरवतात.
साहित्य -
2 कप उकडलेले स्वीट कॉर्न, 1 कप बटाटा उकडून कुस्करलेला, 1/2 कप बारीक चिरलेला कांदा, 1/2 कप बारीक चिरलेले टमाटे, 1/4 कप बारीक शेव, फरसाण, 1/4 कप बारीक चिरलेली कोथिंबीर, 2 चमचे चिंचेची गोड चटणी, 2 चमचे हिरवी चटणी, 2 चमचे लिंबाचा रस, पादेलोण किंवा काळं मीठ चवीपुरती, 1 चमचा चाट मसाला, 1 चमचा डाळिंबाचे दाणे सजावटीसाठी.
कृती -
सर्वप्रथम एका भांड्यात कॉर्न घ्या. यामध्ये उकडून कुस्करलेले बटाटे घाला. आता यामध्ये बारीक चिरलेला कांदा, चिरलेले टमाटे, कोथींबीर, चिंचेची चटणी, हिरवी चटणी, काळं मीठ आणि चाट मसाला घालून चांगल्या प्रकारे मिसळून घ्या.
