आज चतुर्थी असून अनेकांना बाप्पासाठी खास नैवेद्य बनवायचा असतो. तसेच संकष्टी चतुर्थीच्या निमित्ताने गणपती बाप्पाला 'उकडीचे मोदक' हा सर्वात प्रिय नैवेद्य अर्पण केला जातो. पण तुम्हाला मोदक कठीण वाटत असतील, तर 'गुळाचा शिरा' हा देखील एक उत्तम आणि झटपट होणारा पर्याय आहे.
रवा-गुळाचा शिरा पाककृती
जर वेळ कमी असेल, तर हा सात्विक शिरा नैवेद्यात उत्तम ठरतो.
साहित्य- १ कप रवा, पाऊण कप गूळ (बारीक केलेला), अर्धा कप तूप, २ कप गरम पाणी/दूध, सुका मेवा आणि वेलची पूड.
कृती-तुपात रवा गुलाबी होईपर्यंत भाजून घ्या. त्यात गरम पाणी किंवा दूध घालून रवा फुलू द्या. शेवटी गूळ आणि वेलची पूड घालून ५ मिनिटे वाफ काढा.
