How to avoid pregnancy गर्भधारणा टाळण्याचे काही उपाय
गुरूवार, 22 सप्टेंबर 2022 (08:08 IST)
अनेक वेळा जाणूनबुजून किंवा नकळत शारीरिक संबंध ठेवताना गर्भधारणा होण्याची भीती असते. खरं तर करियर, आरोग्य आणि इतर गोष्टींचा विचार करून, बर्याच स्त्रियांना लवकर गर्भधारणा करायची नसते. त्यासाठी योग्य नियोजन आणि वेळेचे नियोजन करून या गोष्टींची ते विशेष काळजी घेतात. गर्भधारणा टाळण्यासाठी तुम्ही अनेक मार्ग अवलंबू शकता. यासाठी तुम्ही अनेक प्रकारच्या गर्भनिरोधक गोळ्या आणि कंडोम वापरू शकता. याशिवाय या मार्गांनी गर्भधारणा होऊ नये यासाठी तुम्ही उपाय करू शकता.
विदड्रॉ टेक्नीक- गर्भधारणा टाळण्यासाठी तुम्ही विदड्रॉ टेक्नीक अवलंबू शकता. यामध्ये पुरुष जोडीदार स्खलन होण्यापूर्वी पार्ट बाहेर काढतो. यामुळे शारीरिक संबंध असतानाही गर्भधारणेचा धोका कमी होतो. बहुतेक लोकांना या तंत्राच्या मदतीने शारीरिक संबंध बनवायला आवडतात.
इंट्रायूटरिन डिव्हाइस- हे टी-आकाराचे उपकरण आहे जे गर्भधारणा टाळण्यासाठी वापरले जाते. प्लास्टिक आणि तांब्यापासून बनवलेले हे उपकरण महिलेच्या गर्भाशयात ठेवले जाते. याच्या वापरानंतर वंध्यत्व आणि संसर्गाचा धोका वाढू शकतो असा अनेकांच्या मनात गैरसमज असला तरी या गोष्टी पूर्णपणे चुकीच्या आहेत. IUD काढून टाकल्यानंतर महिला सहजपणे गर्भवती होऊ शकतात.
इंट्रायूटरिन सिस्टम- हे एक लहान टी-आकाराचे गर्भनिरोधक उपकरण आहे, जे गर्भाशयाच्या आत ठेवलेले असते आणि ते शरीरातील प्रोजेस्टोजेन हार्मोनला उत्तेजित करते. तुम्ही दीर्घकाळ IUS वापरू शकता. तसेच, ते काढून टाकल्यानंतरही, आपण सहजपणे गर्भधारणा करू शकता.
बर्थ कंट्रोल इम्प्लांट- गर्भधारणा टाळण्यासाठी हे देखील एक चांगले तंत्र आहे. यात माचिसच्या आकाराची एक छोटी आणि पातळ रॉड असते, जी महिलांच्या शरीरात प्रोजेस्टोजेन हार्मोनचा सोडण्यास मदत करते.
स्पंज- काही स्त्रिया गर्भधारणा टाळण्यासाठी गर्भनिरोधक स्पंज देखील वापरतात. हे फोमसारखे स्वरूप शुक्राणूंना गर्भाशयात प्रवेश करण्यापासून रोखण्यासाठी महिलांच्या प्रायव्हेट पार्टमध्ये ठेवले जाते. तुमच्या इच्छेनुसार तुम्ही ते कधीही काढू शकता.
वजाइनल रिंग- गर्भनिरोधक म्हणून रिंग देखील वापरल्या जातात. ही एक अतिशय मऊ आणि प्लास्टिकची अंगठी असते, जी आत स्थापित केली जाते. हे स्त्रीच्या शरीरात प्रोजेस्टेरॉन आणि इस्ट्रोजेनसारखे हार्मोन्स सोडते. त्यामुळे हार्मोनल बॅलन्समुळेही महिला गर्भधारणा करत नाहीत.
स्पर्मीसाइड टॅब्लेट- संबंधानंतर जोडीदाराने स्पर्मीसाइड गोळी महिलांच्या पार्टमध्ये स्थापित केल्यास अधिक चांगले संरक्षण देते. त्यामुळे गर्भधारणा होणे सहज टाळता येते.
