चिंधी बांधिते द्रौपदी, हरिच्या बोटाला

रविवार, 3 नोव्हेंबर 2024 (12:41 IST)

चिंधी बांधिते द्रौपदी,

हरिच्या बोटाला !

भरजरी फाडुन शेला,

चिंधी बांधिते द्रौपदी

हरिच्या बोटाला

बघून तिचा तो भाव अलौकीक
मनी कृष्णाच्या दाटे कौतुक

कर पाठीवर पडला अपसुक

प्रसन्न माधव झाला,
चिंधी बांधिते द्रौपदी,

हरिच्या बोटाला !

म्हणे खरी तू माझी भगिनी

भाऊ तुझा मी दृपद नंदिनी

साद घालिता येईन धावुनी
प्रसंग जर का पडला,

चिंधी बांधिते द्रौपदी

हरिच्या बोटाला !

प्रसंग कैसा येईल मजवर

पाठीस असशी तू परमेश्वर

बोले कृष्णा दाटून गहिवर

पूर लोचना आला,
चिंधी बांधिते द्रौपदी,

हरिच्या बोटाला !

गीत : ग. दि. माडगूळकर

संगीत : सुधीर फडके

स्वर : आशा भोसले

चित्रपट : झेप (१९७१)

वेबदुनिया वर वाचा