मी आणि ती

तिला माझ्या कविता आवडतात ,

आणि मला कवितेतली ती

कवितेत ती स्वतःला शोधते ,

आणि मी तिच्यात कविता शोधतो

कळत नकळत शब्द जुडतात

भावना अलगद स्पर्श करतात

तिला कवितेतला साधताना भावतो

तिचा कवितेतला भाव मला बराच काही सांगतो

कवितेत न कळत ती हरवून जाते

शब्दात माझ्या ती गुंतून राहते

तिच्या वाचण्याने मिळे कवितेला स्वर

शब्द लेखणी वरून वाहती ओठांवर

अर्थ लाभतो कवितेस तेव्हा

हसू येई तिच्या गाली जेव्हा..!!!