वाट पाहणारं दार

मंगळवार, 26 नोव्हेंबर 2024 (12:49 IST)
प्रत्येक घराला एक
वाट पाहणार दार असतं।
खरच सांगतो त्या
दाराच नाव आई असतं।
उबदार विसाव्याचं ते
एकमेव स्थान असतं।
प्रत्येक घराला एक
वाट पाहणार दार असतं।
 
वाट पाहणाऱ्या या दाराला
आस्थेच महिरपी तोरण असतं। 
घराच्या आदरातिथ्याच
ते एक परिमाण असतं। 
नीतिमत्तेच्या उंबरठ्याआड
मर्यादेचं त्याला भान असतं।
प्रत्येक घराला एक
वाट पाहणार दार असतं।
 
दारिद्र्याच्या दशावतारात
हे दार कधीच मोडत नसतं।
कोत्या विचारांच्या वाळवीनं
ते कधी सडत नसतं।
ऐश्वर्याच्या उन्मादात
ते कधी फुगत नसतं।
प्रत्येक घराला एक
वाट पाहणार दार असतं।
 
सुना नातवंडांच्या आगमनाला ते
तुकडा पाणी घेऊन सज्ज असतं।
लेकीची पाठवणी करताना
अश्रूंना वाट करून देतं।
व्यसनात अडखळणाऱ्या पावलांना
ते जरबेनं ताळ्यावर आणतं।
प्रत्येक घराला एक
वाट पाहणार दार असतं।
 
मित्रांनो,
उभ्या आयुष्यात फक्त
एकच गोष्ट जपा।
उपहासाची करवत
या दारावर कधी चालवू नका।
मानापमानाचे छिन्नी हातोडे
या दारावर कधी मारू नका। 
स्वार्थी अपेक्षांचे खिळे 
या दारावर कधी ठोकू नका।
घराचं रक्षण करणाऱ्या या दाराला
कधीच मोडकळीला आणू नका।

- सोशल मीडिया

वेबदुनिया वर वाचा

संबंधित माहिती

नक्की वाचा

ताकाचे 5 वेगवेगळे प्रकार (डायटसाठी बेस्ट)

कल्की अवतार आणि तिसरे महायुद्ध: या दोन्हींमध्ये काही संबंध आहे का? या प्रमुख घटना केव्हा आणि कशा घडतील?

लग्नाआधी हे प्रश्न नक्की विचारा, नाहीतर आयुष्यभर पश्चात्ताप होऊ शकतो!

उन्हाळ्यात तुळशीची काळजी कशी घ्यावी?

१९ ते २५ एप्रिल २०२६ चे साप्ताहिक राशीभविष्य

नवीन

सोशल मीडियाच्या या क्षेत्रात उत्तम करिअर करा, जॉब व्याप्ती जाणून घ्या

डोक्याखाली उशी न घेता झोपलात तर त्वचेवर दिसेल कमाल बदल

उष्माघाताची सुरुवातीची लक्षणे अशी ओळखा, उपाय जाणून घ्या

शिर्षासनाचे फायदे आणि खबरदारी काय घ्यायची जाणून घ्या

तेनालीराम कहाणी : जादुई विहिरी