खरं प्रेम खरंच असतं....

© ऋचा दीपक कर्पे
बुधवार, 12 फेब्रुवारी 2020 (12:13 IST)
खरं प्रेम खरंच असतं!!
कधी ओल्या मातीच्या गंधात 
कधी हिरव्या पानांच्या देठात
कधी नाजूक फुलाच्या रंगात
तर कधी फुलपाखरांसोबत
वार्‍यात तरंगत असतं..
 
खरं प्रेम खरंच असतं!!
कधी निरभ्र आकाशात
कधी तांबड्या क्षितिजात
कधी मुसळधार पावसात
तर कधी नक्षत्रांसोबत
अंतराळात झगमगत असतं...
 
खरं प्रेम खरंच असतं!!
कधी अथांग सागरात
कधी शंख शिंपल्यात
कधी उंचावणार्‍या लाटांत
तर कधी भुरकट वाळूसोबत
सूर्यप्रकाशात झळकत असतं...
 
खरं प्रेम खरंच असतं!!
कधी झाडावरील घरट्यात
कधी कोकिळेच्या स्वरात
कधी रंगीत मोरपिसार्‍यात
तर कधी पाखरांसोबत
आकाशात भरारी घेत असतं...
 
खरं प्रेम खरंच असतं!!
कधी बासरीच्या स्वरात
कधी कवितेच्या शब्दांत
कधी आकर्षक चित्रात
तर कधी रांगोळीच्या रंगांसोबत
अंगणात मिरवत असतं..
 
खरं प्रेम खरंच असतं
कधी देवळाच्या गाभाऱ्यात 
कधी तेवणार्‍या निरांजनात
कधी चंदनाच्या सुवासात
तर कधी वेदमंत्रासोबत
देवघरात वावरत असतं
 
खरं प्रेम खरंच असतं!!
खरं प्रेम खरंच असतं.....!!

वेबदुनिया वर वाचा

संबंधित माहिती

नक्की वाचा

देवाची पूजा करतांना कोणते स्तोत्र आवर्जून म्हणावे?

घरात धार्मिक कार्य करतांना कोणती काळजी घ्यावी?

तुमच्या मोबाईल क्रमांकाचा शेवटचा अंक तुमच्यासाठी शुभ आहे का?

Sanskrit Baby Girl Names चैत्र गौरी निमित्त खास! मुलींसाठी गौरी पासून प्रेरित २० नावे अर्थासहित

Delayed Periods २ महिन्यांपासून मासिक पाळी आली नाही? घाबरू नका, स्वयंपाकघरातील हे ५ पदार्थ करतील कमाल

नवीन

महागड्या स्प्रेपेक्षा घरगुती उपाय जास्त प्रभावी; आरसे स्वच्छ करण्याची योग्य आणि सोपी पद्धत येथे पहा

आंबट-गोड आणि तिखट अशी चटपटीत सफरचंद चटणी रेसिपी

शेंगदाणे खमंग आणि कुरकुरीत भाजण्याची योग्य पद्धत जाणून घ्या

Shriram Navami Naivedya श्रीराम नवमी निमित्त बनवला जाणारा पारंपरिक प्रसाद

सतत एसीमध्ये राहिल्याचे शरीरावर होणारे दुष्परिणाम