माझ्या गोव्याच्या भूमीत

बुधवार, 30 जून 2021 (16:56 IST)
माझ्या गोव्याच्या भूमीत
गड्या नारळ मधाचे
कड्या-कपाऱ्यां मधुन
घट फ़ुटती दुधाचे !!
 
माझ्या गोव्याच्या भूमीत
आंब्या-फ़णसाची रास
फ़ुली फ़ळांचे पाझर
फ़ळी फ़ुलांचे सुवास!!
 
माझ्या गोव्याच्या भूमीत
वनश्रीची कारागिरी
पाना-फ़ुलांची कुसर
पशु-पक्ष्यांच्या किनारी!!
 
माझ्या गोव्याच्या भूमीत
उन्हाळ्यात खारा वारा
पावसात दारापुढे
सोन्याचांदीच्या रे धारा!!
 
माझ्या गोव्याच्या भूमीत
येते चांदणे माहेरा
ओलावल्या लोचनांनी
भेटे आकाश सागरा!!
 
माझ्या गोव्याच्या भूमीत
चाफ़ा पानाविण फ़ुले
भोळा भाबडा शालिन
भाव शब्दाविण बोले!!
 
माझ्या गोव्याच्या भूमीत
गडे साळीचा रे भात
वाढी आईच्या मायेने
सोन-केवड्याचा हात!!
 
माझ्या गोव्याच्या भूमीत
सागरात खेळे चांदी
आथित्याची,अगत्याची
साऱ्या षडरसांची नांदी!!
 
– बा. भ. बोरकर
 
 

वेबदुनिया वर वाचा

संबंधित माहिती

नक्की वाचा

गणेश चतुर्थीच्या वेळी देवघरात दुर्वा ठेवा, गणपती सर्व अडथळे दूर करेल

Ganesh Chaturthi 2025 स्वादिष्ट प्रसाद श्रीखंड, गणपती बाप्पांसाठी खास रेसिपी

गणपती आणि हरवलेल्या शंखाची कहाणी

पावसाळ्यात रस्त्यावरील हे 7 पदार्थ खाऊ नका, कारण जाणून घ्या

त्वचा मऊ करण्यासाठी कोरफडीत मिसळा या 3 गोष्टी

नवीन

मांस खाणारी माशी: येथे रुग्णामध्ये स्क्रूवर्म आढळल्याने एकच गोंधळ उडाला

गणेशोत्सव दरम्यान शारीरिक संबंध ठेवणे योग्य की अयोग्य?

गणपतीच्या नावावरून मुलींची सुंदर आणि यूनिक नावे अर्थासहित

हॉकीचे जादूगार मेजर ध्यानचंद मराठी निबंध

चविष्ट नारळाचे मोदक, गणपती बाप्पांसाठी खास नैवेद्य