सुजला डोळा बघून माझा... बायकोला आली चक्कर

सुजला डोळा बघून माझा...

बायकोला आली चक्कर,

विचारता मी उत्तरलो...

`स्कूटी 'वालीने दिली टक्कर ।।१।।

बायकोने विचारले मला,

"अरे, नंबर पाहिलास गाडीचा?"

मी म्हंटलो" 'नाही पाहू शकलो, 

पण...लाल रंग होता साडीचा' ।।२।। 

'गोरा-गोमटा रंग, 

सडपातळ तिचं अंग;

मोकळे होते केस,

मी बघून झालो दंग' ।।३।।

'दोन बोटांत अंगठ्या,

लिपस्टिक तिची गुलाबी;

कानात लांब बुगड्या,

घारे डोळे, शराबी!!!'।।४।।

'डाव्या गालावर होता,

छोटा काळा तीळ;

गाडी तिची घालत होती,

मोठ-मोठ्याने शीळ!!' ।।५।।

वर्णन ऐकून तापला, 

बायकोच्या डोक्याचा मजला...

दुसऱ्याच क्षणी गड्यांनो,

माझा दुसरा डोळाही सुजला।।६।।