साहित्य :
एक चमचा भरून ओळख, आयुष्याभर पुरेल एव्हढे निखळ मैत्रीचे नाते, तेव्हढाच विश्वास, हृदय भरून प्रेम, चवीपुरती भावना, चिमूटभर रुसवा-फुगवा, मैत्री घट्ट होण्यासाठी आदर किंवा सन्मान, मैत्री सजण्यासाठी गोड हसू.
अर्थात ओळख असल्याशिवाय मैत्रीला स्वाद येणारच नाही.
ओळख व मैत्रीचं नातं छान एकत्र झालं की त्यात चवीपुरती भावना, प्रेम व विश्वास घालून पुन्हा एकत्र करा.
या मिश्रणात चिमूटभर रुसवा-फुगवा घालून पुन्हा एकदा एकजीव करा.
मैत्री अधिक रुचकर होण्यासाठी त्यात चिमुटभर का होईना पण रुसवा-फुगवा हवाच, त्याशिवाय मजा येत नाही. हा रुसवा-फुगवा मैत्रीत विरघळून जाईल तेंव्हाच मैत्रीला खरी चव येईल.
