आयुर्वेदात अशा बऱ्याच औषधी वनस्पतींचा उल्लेख केला आहे ज्यांचा नियमितपणे वापर केल्याने बऱ्याच जीवघेण्या आजारांपासून सुरक्षित राहू शकता. आयुर्वेदात अश्वगंधामध्ये अँटी ऑक्सीडेन्ट, लिव्हर टॉनिक, अँटी इन्फ्लमेन्टरी, अँटी बेक्टेरिअल सह अनेक पोषक घटक असतात जे आपल्या शरीराला निरोगी ठेवण्यात मदत करतात. या शिवाय या मध्ये अँटी स्ट्रेस गुणधर्म असतात जे स्ट्रेस फ्री ठेवण्यात मदत करतात. या व्यतिरिक्त हे दूध किंवा तुपामध्ये मिसळून सेवन केल्याने वजन वाढण्यात मदत मिळते. चला तर मग अश्वगंधा चे गुणधर्म जाणून घ्या.
* अश्वगंधाचे सेवन कसे करावे -
अश्वगंधाचे सेवन प्रमाणात करावे. अधिक प्रमाणात सेवन केल्याने उलट्यांचा त्रास होतो तसेच पोट देखील बिघडते. कमी रक्तदाबाच्या रुग्णांनी ह्याचे सेवन करू नये. झोप येत नसेल तर अश्वगंधाचा वापर काही प्रमाणात योग्यरीत्या करावे पण झोप येण्यासाठी ह्याचा वापर नियमितपणे करणे हानिकारक होऊ शकतो. बाजारपेठेत हे बऱ्याच रूपात उपलब्ध आहे. परंतु अश्वगंधा ची पूड म्हणून ह्याचा वापर जास्त प्रमाणात करतात. अश्वगंधाचे चूर्ण खाण्याची पद्दत खूप सोपी आहे. पाणी मध किंवा तुपात मिसळून घेऊ शकतो. या शिवाय, अश्वगंधा कॅप्सूल, अश्वगंधा चहा आणि अश्वगंधाचे रस देखील बाजारपेठेत आणि ऑनलाईन सहजपणे मिळतात.
* अश्वगंधाचे फायदे -
* कर्करोगासारख्या जीवघेण्या आजारात देखील अत्यंत प्रभावी आहे. बऱ्याच संशोधनात असे आढळून आले आहे की अश्वगंधा कर्करोगाच्या पेशींना वाढण्यापासून रोखतो आणि कर्करोगाच्या नव्या पेशींना बनू देत नाही. हे शरीरात रिऍक्टिव्ह ऑक्सिजन स्पिशिज चे निर्माण करतो. जे कर्करोगाच्या पेशींचा नायनाट करून आणि किमोथेरपीमुळे होणाऱ्या दुष्परिणामांपासून संरक्षण करण्याचे कार्य करतो.
