पुरेशी झोप केवळ स्थूलपणा रोखते, एवढंच नाही तर अशा माणसांना टाइप-२ चा मधुमेह होण्याची शक्यताही कमी होत जाते. जी माणसं जास्त जागतात, त्यांना जास्त भूक लागून त्यांचा आहार वाढतच जातो.
बद्धकोष्ठात घरच्या घरी काही उपाय करून पाहा. आहारात कडधान्यं, पालेभाज्या, फळं भरपूर ठेवा. मैद्याऐवजी अख्खा गव्हाचा आटा वापरा, बटाटे सालीसकट खा, भरपूर दवपदार्थ घ्या, फक्त दारू आणि कॉफी टाळा. सारखं रेचक घेऊ नका.
अस्थमासारख्या जुनाट आजारावर योगसनांमुळे उतार पडत असल्याचा अनुभव आहे. योगासनांचा फायदा किरकोळ सर्दी-खोकला, पोटाचे आजार दूर ठेवण्यास नक्कीच होतो. वाढत्या वयाच्या मुलांनाही योगसरावाचा खूप उपयोग होतो. त्यांच्या शरीराची आणि मनाची योग्य वाढ होण्यास मदत मिळते.