जगभरात जपानी लोक दीर्घायुष्य आणि निरोगपणाबाबत प्रसिद्ध आहेत. यामागे आरोग्यदायी वातावरण, सकस आहार, व्यायाम आणि स्वच्छतेच्या सवयी अशी काही कारणे आहेत. याखेरीज नियमित गरम पाण्याने स्नान करण्याचाही हा परिणाम आहे, असे मानले जात आहे.
सुमारे 80 टक्के जपानी लोक गरम पाण्याने अंघोळ करतात. ते बराचकाळ गरम पाण्यात असतात.
शिन्या हायसाका हे डॉक्टर असून अध्यापनाचे कार्य करतात. गेल्या दोन दशकांपासून ते नैसर्गिकरित्या तयार झालेल्या गरम पाण्याच्या स्त्रोतांचा मानवी आरोग्यावर झालेल्या परिणामांचा शोध घेत आहेत.
आपल्याकडे पूर्वी उन्हाळ्यात तांब्याच्या घागरीचे तोंड कापडाने बंद करुन ती उन्हात ठेवली जायची आणि त्यातील पाणी तापल्यावर त्या पाण्याने मुलांना स्नान घातले जायचे. या स्नानामुळे उन्हाळा बाधत नाही, असे सांगितले जायचे. दुर्दैवाने, आता हा प्रकार कुठे दिसत नाही.
