आरोग्यप्रकृत चांगली राहावी म्हणून अनेकजण आवर्जून रेड वाईनचे पेग रिचवताना दिसतात. रेड वाईनने पुरुषांच्या आरोग्यात सुधारणा होत असली तरीसुद्धा महिलांच्या दृष्टीने ती फारशी लाभदायी नसल्याचे नव्या संशोधनातून सिद्ध झाले आहे. वाईनमध्ये आढळणारा रिझव्हेट्रॉल हा घटक हृदयविकाराच्या आजारापासून व्यक्तीचा बचाव करतो. त्याच्यामुळेच व्यक्तीच्या जीवनकांक्षेतदेखील वाढ होत असल्याचे दिसून आले आहे. याच घटकामुळे व्यक्तीचा उच्चरक्तदाब आणि मधुमेहाच्या आजारांपासून बचाव होतो, असेही सांगितले जाते.