भारतीय क्रिकेट संघाचा वेगवान गोलंदाज इशांत शर्मा शुक्रवारी रात्री उशिरा वडिल झाला. इशांत शर्माची पत्नी प्रतिमा सिंह हिने एका मुलीला जन्म दिला. इशांत शर्माने सोशल मीडियावर पोस्ट शेअर करून चाहत्यांना खुशखबर दिली. इशांतने लिहिले की, आम्हाला आमच्या नवीन सदस्याची ओळख करून देताना खूप आनंद होत आहे.
बाप बनल्याची माहिती सोशल मीडियावर दिली आहे
इशांत शर्माने लिहिले, "एक लहान मुलगी, आश्चर्य, आशा आणि स्वप्नांचे जग, सर्व काही गुलाबी रंगात लपेटले आहे. आमच्या कुटुंबातील सर्वात नवीन सदस्याची ओळख करून देताना आम्हाला खूप आनंद होत आहे." इशांत शर्माच्या या पोस्टवर चाहत्यांनी भरभरून प्रेमाचा वर्षाव केला. कमेंट करताना चाहत्यांनी इशांत शर्माला वडील झाल्याबद्दल शुभेच्छा दिल्या.
भारताच्या सर्वोत्तम खेळाडूंमध्ये इशांत शर्माचा समावेश होतो
इशांत शर्मा टीम इंडियाच्या सर्वोत्तम खेळाडूंपैकी एक आहे. त्याने भारतासाठी 105 कसोटी सामन्यांमध्ये 311 विकेट घेतल्या आहेत. या कालावधीत इशांतने 11 वेळा पाच विकेट्स घेतल्या आहेत. त्याची एका डावातील सर्वोत्तम कामगिरी म्हणजे 74 धावांत 7 बळी. तर, इशांतने 80 एकदिवसीय सामन्यांमध्ये 115 विकेट घेतल्या आहेत. भारतासाठी 14 टी-20 सामन्यात 8 विकेट घेतल्या आहेत. सध्या तो टीम इंडियातून बाहेर आहे. आयपीएलमध्ये दिल्ली कॅपिटल्सकडून खेळतो.
