इंग्लंड दौऱ्यावर गेलेल्या भारतीय महिला संघात अनेक स्टार खेळाडू आहे. यामध्ये हरमनप्रीत कौर, स्मृती मानधना आणि हरलीन देओल यांची नावे आहे. तसेच आता इंग्लंडविरुद्धच्या पहिल्या टी-२० सामन्यात भारतीय संघाला विजय मिळवून देण्याची जबाबदारी या खेळाडूंवर असेल.
भारतीय महिला संघ इंग्लंड दौऱ्यावर पाच टी-२० आणि तीन एकदिवसीय सामन्यांची मालिका खेळेल. टी-२० मालिकेचा पहिला सामना २८ जून रोजी ट्रेंट ब्रिज मैदानावर खेळला जाईल. भारतीय संघाची कमान हरमनप्रीत कौरच्या हाती आहे. त्याच वेळी, इंग्लंड महिला संघाची कर्णधार नॅट सेव्हियर ब्रंट आहे. पहिल्या टी-२० सामन्यात विजय नोंदवून, भारतीय महिला संघ मालिकेत आघाडी घेण्याचा प्रयत्न करेल.
तसेच स्मृती मानधना यांनी जगाच्या कानाकोपऱ्यात धावा केल्या आहे आणि भारतीय संघाला विजय मिळवून दिला आहे. ती पहिल्या टी-२० सामन्यात सलामीला येऊ शकते आणि शेफाली वर्मा तिला पाठिंबा देण्यासाठी संघात संधी मिळवू शकते. शेफालीने गेल्या वर्षी तिचा शेवटचा टी-२० सामना खेळला होता आणि आता ती टी-२० संघात परतली आहे. हरलीन देओलला तिसऱ्या क्रमांकावर संधी मिळू शकते. ती स्फोटक फलंदाजीत तज्ज्ञ आहे आणि आक्रमक फटकेबाजी करण्यासाठी प्रसिद्ध आहे. तसेच कर्णधार हरमनप्रीत कौर स्वतः चौथ्या क्रमांकावर येऊ शकते. जेमिमा रॉड्रिग्जला पाचव्या क्रमांकावर संधी मिळू शकते. त्याच वेळी, विकेटकीपरची जबाबदारी रिचा घोषला दिली जाऊ शकते. हरमनप्रीत कौरकडे दीर्घ अनुभव आहे आणि तिने भारतासाठी टी-२० आंतरराष्ट्रीय क्रिकेटमध्ये ३५८९ धावा केल्या आहे. इंग्लंड दौऱ्यावर संघ व्यवस्थापन आणि चाहत्यांना तिच्याकडून चांगल्या कामगिरीची अपेक्षा असेल.
इंग्लंडविरुद्धच्या पहिल्या टी-२० सामन्यात भारताचे संभाव्य प्लेइंग इलेव्हन
स्मृती मानधना, शेफाली वर्मा, हरलीन देओल, हरमनप्रीत कौर (कर्णधार), जेमिमा रॉड्रिग्ज, रिचा घोष, दीप्ती शर्मा, स्नेह राणा, अरुंधती रेड्डी, राधा यादव आणि श्री चारिणी.
