टी-20 विश्वचषकाची उलटी गिनती सुरू झाली आहे. भारतीय वेळेनुसार 2 जूनपासून ही स्पर्धा सुरू होत आहे. मात्र, चाहत्यांना सर्वाधिक प्रतीक्षा आहे ती 9 जून रोजी न्यूयॉर्कमध्ये होणाऱ्या भारत-पाकिस्तान सामन्याची. आता हा सामना दहशतवादी हल्ल्याच्या छायेत आहे. आयआयएसशी संबंधित एका दहशतवादी संघटनेने 'लोन वुल्फ' हल्ल्याची धमकी देणारा व्हिडिओ जारी केला आहे. न्यूयॉर्क पोलिसांच्या एका वरिष्ठ अधिकाऱ्याने सुरक्षा कर्मचाऱ्यांना हाय अलर्टवर ठेवले आहे आणि इशारा दिला आहे. भारत-पाकिस्तान मेगा मॅच 9 जून रोजी न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर होणार आहे.
व्हिडिओमध्ये आयझेनहॉवर पार्कमध्ये असलेल्या नासाऊ क्रिकेट स्टेडियमचे चित्र होते आणि तेथे ड्रोन उडताना दिसत होते. व्हिडिओमध्ये 9/6/2024 ही तारीख नमूद करण्यात आली होती. त्याच दिवशी भारत-पाकिस्तान टी-20 विश्वचषक सामनाही होणार आहे. व्हायरल झालेल्या व्हिडिओमध्ये दहशतवादी गटाने 'लोन वुल्फ' हल्ल्याची धमकी दिली आहे
प्रत्येक धोक्यासाठी एकच प्रक्रिया असते. आम्ही धोके कमी लेखत नाही. आम्ही आमच्या सर्व लीड्सचा मागोवा घेतो.न्यूयॉर्कच्या गव्हर्नर कॅथी हॉचुल यांनी सांगितले की त्यांनी न्यूयॉर्क राज्य पोलिसांना सतर्क राहण्याच्या आणि कडक सुरक्षा व्यवस्था लागू करण्याच्या सूचना दिल्या आहेत. सुरक्षा व्यवस्था कडेकोट करण्याबरोबरच मोठ्या प्रमाणात पोलीस तैनात करणे, शहरावर लक्ष ठेवणे आणि तपासणी प्रक्रिया अधिक कडक करण्याच्या सूचनाही देण्यात आल्या आहेत.
