अमेरिकेतील केंटकी येथील एका मैदानाचे नाव 'सुनील गावस्कर फील्ड' आहे. तर टांझानियातील जांसीबारमध्ये 'सुनील गावस्कर क्रिकेट स्टेडियम' तयार केले जात आहे. आता गावस्कर यांना इंग्लंडमध्ये हा मान मिळाला आहे. लीसेस्टर क्रिकेट मैदानाचे नाव बदलण्याची मोहीम भारतीय वंशाचे खासदार कीथ वाझ यांनी सुरू केली होती. त्यांनी दीर्घकाळ लीसेस्टरचे प्रतिनिधित्व केले.
या सन्मानाबाबत गावसकर म्हणाले, "मला खूप आनंद झाला आहे आणि हा मोठा सन्मान आहे कारण लेस्टरमधील एका मैदानाला माझ्या नावावर ठेवले जात आहे. लीसेस्टरमध्ये खेळासाठी प्रचंड पाठिंबा आहे. माझ्यासाठी हा खरोखरच मोठा सन्मान आहे.”
गावस्कर हे कसोटी क्रिकेटमध्ये 10,000 धावा करणारे पहिले भारतीय खेळाडू होते. कसोटीत सर्वाधिक शतके करण्याचा विक्रमही त्यांच्या नावावर आहे. त्यांचा विक्रम सचिन तेंडुलकरने मोडला. गावस्कर यांनी भारतासाठी एकूण 125 कसोटी सामन्यांमध्ये 34 शतके झळकावली आहेत. यादरम्यान त्याच्या बॅटमधून 10122 धावा निघाल्या. कसोटीत त्याची सरासरी 51.12 आहे. गावसकर यांनी 108 एकदिवसीय सामन्यांमध्ये 3092 धावा केल्या.
