लीजेंड्स लीगचा पहिला क्वालिफायर इंडिया कॅपिटल्स आणि भिलवाडा किंग्ज यांच्यात जोधपूरमध्ये खेळला गेला. गौतम गंभीरच्या नेतृत्वाखालील इंडिया कॅपिटल्सने हा सामना 4 गडी राखून जिंकला आणि अंतिम फेरीत प्रवेश केला, परंतु सामन्यादरम्यान दोन्ही संघांच्या खेळाडूंमध्ये जोरदार बाचाबाची झाली. या सामन्याचा एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये भिलवाडा किंग्जचा युसूफ पठाण इंडिया कॅपिटल्सचा वेगवान गोलंदाज मिचेल जॉन्सनशी सामना करताना दिसत आहे. काही वेळाने या शाब्दिक युद्धाचेही हाणामारीत रूपांतर झाले.
