KKR vs PBKS: वादळ आणि पावसामुळे पंजाब आणि कोलकाता सामना रद्द
रविवार, 27 एप्रिल 2025 (12:23 IST)
इंडियन प्रीमियर लीगचा म्हणजेच आयपीएल 2025 चा 44 वा सामना कोलकाता नाईट रायडर्स आणि पंजाब किंग्ज यांच्यातील ईडन गार्डन्सवर होणारा मुसळधार वादळ आणि पावसामुळे थांबवावा लागला. सततच्या पावसामुळे अखेर सामना रद्द करावा लागला. नाणेफेक जिंकून प्रथम फलंदाजी करताना पंजाब किंग्जच्या संघाने चार विकेट गमावून 201 धावा केल्या.
पंजाब किंग्ज हा ईडन गार्डन्सवर खेळला गेलेला सामना सततच्या पावसामुळे वाया गेला कारण 202 धावांचा पाठलाग करणाऱ्या यजमान संघाला 1 षटकात फक्त 7 धावा करता आल्या. मार्को जानसेनने टाकलेल्या या षटकात सुनील नारायणने 3 चेंडूत 1 चौकारासह 4 धावा काढल्या आणि यष्टिरक्षक रमतुल्लाह गुरबाजने 3 चेंडूत 1 धाव काढली.
तत्पूर्वी, प्रभसिमरन सिंग (83) आणि प्रियांश आर्य (59) यांच्यातील० 120धावांच्या तुफानी भागीदारीमुळे पंजाब किंग्जने शनिवारी इंडियन प्रीमियर लीग (आयपीएल) च्या 44 व्या सामन्यात कोलकाता नाईट रायडर्ससाठी 202 धावांचे लक्ष्य ठेवले.
ईडन गार्डन्सवर नाणेफेक जिंकल्यानंतर कर्णधार श्रेयस अय्यरने प्रथम फलंदाजी करण्याचा निर्णय घेतल्याने प्रियांश आणि प्रभसिमरन यांनी स्फोटक सुरुवात केली आणि पहिल्या 50 धावा फक्त 4.3 षटकांत पूर्ण केल्या. प्रभसिमरनने स्फोटक फलंदाजी दाखवली आणि केवळ 27 चेंडूत आपले अर्धशतक पूर्ण केले, तर प्रियांश देखील पूर्ण फॉर्ममध्ये दिसत होता.
कोलकात्याचा कर्णधार अजिंक्य रहाणेने गोलंदाजीत बदल करणे सुरू ठेवले आणि अखेर 12 व्या षटकात प्रियांशच्या विकेटच्या रूपात त्याला पहिले यश मिळाले. त्याने आंद्रे रसेलचा चेंडू पुल करण्याचा प्रयत्न केला आणि डीप स्क्वेअर लेग बाउंड्रीवर उभ्या असलेल्या वैभव अरोराने त्याला झेलबाद केले. प्रियांशने त्याच्या अर्धशतकी खेळीदरम्यान आठ चौकार आणि चार षटकार मारले.
कोलकात्याला आणखी एक महत्त्वाची विकेट मिळाली ती प्रभसिमरनच्या रूपात. त्याने वैभव अरोराचा फुल-टॉस ऑफ-स्टंपच्या बाहेर सरळ बॅटने खेळण्याचा प्रयत्न केला पण लॉन्ग-ऑफवर पॉवेलने त्याला झेलबाद केले. प्रभसिमरनने त्याच्या छोट्याशा खेळीत सहा चौकार आणि तितकेच षटकार मारले.
दोन्ही सेट फलंदाज बाद झाल्यानंतर, कोलकाताच्या गोलंदाजांनी पंजाबच्या धावगतीवर ब्रेक लावला आणि श्रेयस अय्यर आणि ग्लेन मॅक्सवेलला प्रत्येक धाव घेण्यासाठी खूप संघर्ष करावा लागला. वरुण चक्रवर्तीच्या चेंडूवर चौकार मारल्यानंतर मॅक्सवेल (७7) क्लीन बोल्ड झाला. आयपीएलमध्ये पाचव्यांदा मॅक्सवेल चक्रवर्तीचा बळी ठरला आहे. मार्को जॅनसेनने वैभव (3) ला बाद केले आणि अरोराचा दुसरा बळी घेतला तर अय्यर 25 आणि जोश इंगलिस11 धावांवर नाबाद राहिले.
पाऊस आणि वादळामुळे सामना 1 तास 20 मिनिटांपेक्षा जास्त काळ थांबल्यानंतर, एक अपडेट आली की किमान 5 षटकांच्या खेळासाठी कट-ऑफ वेळ 11:44 आहे. तथापि, सततच्या पावसामुळे 11 वाजता सामना रद्द करण्यात आला. अशाप्रकारे दोन्ही संघांना प्रत्येकी एक गुण वाटून घ्यावा लागला.
