Kieron Pollard Record : वेस्ट इंडिजचा स्फोटक अष्टपैलू खेळाडू किरॉन पोलार्ड 600 T20 सामने खेळणारा जगातील पहिला क्रिकेटपटू ठरला आहे. द हंड्रेड लीगमध्ये लंडन स्पिरिटकडून खेळताना त्याने ही उल्लेखनीय कामगिरी केली. पोलार्ड हा जगातील पहिला क्रिकेटपटू आहे ज्याने 600 टी-20 सामने खेळले आहेत. मँचेस्टर ओरिजिनल्सविरुद्धच्या या सामन्यात पोलार्डने आपली खास कामगिरी एका खास पद्धतीने साजरी केली आणि 11 चेंडूत 34 धावांची तुफानी खेळी केली. लॉर्ड्सच्या ऐतिहासिक मैदानावर आपला 600 वा सामना खेळत पोलार्डने चार षटकार आणि एक चौकार लगावला.
