इंडियन प्रीमियर लीग (आयपीएल) च्या 14 व्या मोसमातील खेळाडूंचा लिलाव 18 फेब्रुवारी रोजी चेन्नई येथे झाला. यावर्षी एप्रिलमध्ये आयपीएल खेळला जाणार असून या लिलावात काही दिग्गज क्रिकेटपटूंवर जोरदार धनवर्षा झाली. आयपीएलच्या लिलावात प्रथमच चार खेळाडूंना 14 किंवा 14+ कोटी रुपयांना विकत घेण्यात आले. ख्रिस मॉरिस आयपीएलच्या इतिहासातील सर्वात महाग खेळाडू ठरला. शाहरुख खानचा मोठा मुलगा आर्यनसुद्धा या आयपीएलच्या लिलावात प्रथमच दिसला. शाहरुख आणि जूही चावला कोलकाता नाइट रायडर्स (केकेआर) फ्रँचायझी संघाचे सह-मालक आहेत. यापूर्वी जूही चावला हिची मुलगी जान्हवी मेहतासुद्धा या लिलावात सहभागी झाली होती, तर आर्यनला पहिला अनुभव होता.
