IPL 2025 : आयपीएलबाबत मोठी घोषणा, स्पर्धा अनिश्चित काळासाठी पुढे ढकलली
तसेच आयपीएल २०२५ २२ मार्च रोजी सुरू झाले. ७ मे पर्यंत ५७ सामने खेळले गेले होते. पंजाब आणि दिल्ली यांच्यातील सामना ८ मे रोजी धर्मशाळा येथे खेळवण्यात येणार होता, परंतु सामना मध्येच थांबवण्यात आला. यानंतर सामना रद्द घोषित करण्यात आला. आता आयपीएल पुढे ढकलण्याची घोषणा करण्यात आली आहे.
बीसीसीआयच्या एका अधिकाऱ्याने सांगितले की, देशात युद्ध सुरू असताना क्रिकेट सुरू आहे हे चांगले दिसत नाही. २५ मे रोजी कोलकाता येथे संपणाऱ्या या लीगच्या पुढे ढकलण्याच्या निर्णयाची त्यांनी पुष्टी केली. आता उर्वरित सामन्यांसाठी नवीन वेळापत्रक बनवणे आणि भारतात उपस्थित असलेल्या परदेशी खेळाडूंना त्यांच्या घरी पाठवणे हे बीसीसीआयसमोर मोठे आव्हान असेल.
