दक्षिण आफ्रिकेविरुद्धच्या तीन सामन्यांच्या टी-20 मालिकेतील दुसऱ्या सामन्यात सूर्यकुमार यादवने शानदार फलंदाजी केली. त्याने मंगळवारी (12 डिसेंबर) सेंट जॉर्ज पार्क, गेबराह येथे 56 धावा केल्या. सूर्यकुमारने 36 चेंडूंच्या खेळीत पाच चौकार आणि तीन षटकार ठोकले. त्याने 155.56 च्या स्ट्राइक रेटने धावा केल्या. सूर्याने आपल्या खेळीदरम्यान अनेक विक्रम केले. दक्षिण आफ्रिकेत कर्णधार म्हणून त्याने टी-20 मध्ये भारतासाठी सर्वात मोठी खेळी खेळली.
दक्षिण आफ्रिकेत कर्णधार म्हणून T20 मध्ये सर्वाधिक धावा करण्याचा विक्रम महेंद्रसिंग धोनीच्या नावावर होता. धोनीने 2007 मध्ये 45 धावा केल्या होत्या. या मालिकेत कर्णधार असलेल्या सूर्यकुमारने त्याचा विक्रम मोडला. सूर्याने या खेळीदरम्यान टी-20मध्ये दोन हजार धावाही पूर्ण केल्या. त्याने सर्वात कमी डावात दोन हजार धावा करण्याच्या विराट कोहलीच्या विक्रमाची बरोबरी केली. त्याने केएल राहुलला मागे सोडले. राहुलने 58 डावात दोन हजार धावा पूर्ण केल्या होत्या.
सूर्यकुमार यादव हा T20 मध्ये भारतासाठी दोन हजार धावा करणारा चौथा फलंदाज ठरला आहे. या बाबतीत विराट अव्वल आहे. त्याने 107 डावात 4008 धावा केल्या आहेत. नियमित कर्णधार रोहित शर्मा दुसऱ्या स्थानावर आहे. त्याने 140 डावात 3853 धावा केल्या आहेत. केएल राहुलने 68 डावात 2256 धावा केल्या आहेत. सूर्यकुमारने 56 डावात 2041 धावा केल्या आहेत.
