India vs New Zealand (IND vs NZ) 2nd T20 : भारत आणि न्यूझीलंड यांच्यातील तीन टी-20 मालिकेतील दुसरा सामना रविवारी लखनौ येथे खेळवला जाणार आहे. भारतासाठी ही करा किंवा मरो स्पर्धा आहे. हा सामना गमावल्यास टीम इंडिया टी-20 मालिकाही गमावेल. पहिल्या T20 मध्ये न्यूझीलंडने 21 धावांनी विजय मिळवला. हार्दिक पांड्याने त्याच्या नेतृत्वाखाली आतापर्यंत प्रत्येक टी-20 मालिका जिंकली आहे. त्याचबरोबर न्यूझीलंडचे कर्णधारपद मिचेल सँटनरच्या हाती आहे. गेल्या सामन्यात सँटनरनेही उत्तम कर्णधारपदासह अप्रतिम गोलंदाजी केली. त्याचवेळी डेव्हॉन कॉनवे आणि डॅरिल मिशेल यांनी न्यूझीलंडला केन विल्यमसनची उणीव जाणवू दिली नाही.
भारत आणि न्यूझीलंडमध्ये आतापर्यंत एकूण 23 टी-20 सामने खेळले गेले आहेत. यापैकी भारताने 10, तर किवी संघाने 10 सामने जिंकले आहेत. तीन सामने बरोबरीत आहेत. दोन्ही संघ भारतात नऊ वेळा आमनेसामने आले आहेत. यातील टीम इंडियाने पाचवेळा, तर न्यूझीलंडने चार सामने जिंकले. लखनौच्या एकना स्टेडियमवर दोन्ही संघ प्रथमच भिडणार आहेत.
दोन्ही संघ
- भारतीय संघ : शुभमन गिल, ईशान किशन (यष्टीरक्षक), राहुल त्रिपाठी, सूर्यकुमार यादव, हार्दिक पांड्या (कर्णधार), दीपक हुडा, वॉशिंग्टन सुंदर, शिवम मावी, कुलदीप यादव, अर्शदीप सिंग, उमरान मलिक, पृथ्वी शॉ, युजवेंद्र चहल , जितेश शर्मा, मुकेश कुमार.
न्यूझीलंड संघ: फिन ऍलन, डेव्हॉन कॉनवे (विकेटकीपर), मार्क चॅपमन, ग्लेन फिलिप्स, डॅरिल मिशेल, मायकेल ब्रेसवेल, मिशेल सँटनर (क), ईश सोधी, जेकब डफी, लॉकी फर्ग्युसन, ब्लेअर टिकनर, हेन्री शिपले, मायकेल रिप्पन, डेन क्लीव्हर, बेन लिस्टर.
