कोहलीच्या खराब कामगिरीची भरपाई करण्यात ऋषभ पंत आणि सूर्यकुमार यादव सारखे फलंदाज बऱ्यापैकी यशस्वी ठरले आहेत. पंतने आयर्लंड आणि पाकिस्तानविरुद्ध अनुक्रमे 36 आणि 42 धावांची खेळी खेळून दोन्ही सामन्यांमध्ये भारताच्या विजयात महत्त्वाची भूमिका बजावली. सूर्यकुमार यादवने स्पर्धेतील खराब सुरुवातीतून सावरले आणि अमेरिकेविरुद्ध महत्त्वपूर्ण अर्धशतक झळकावले. शिवम दुबेनेही सह-यजमानांविरुद्ध 35 चेंडूत 31 धावा केल्या, ज्यामुळे त्याला पुन्हा एकदा संजू सॅमसन आणि यशस्वी जैस्वाल यांच्यापेक्षा प्राधान्य मिळण्याची अपेक्षा आहे.
प्लेइंग-11 मध्ये बदल होण्याची शक्यता नाही.
कॅनडाविरुद्ध कुलदीप यादव किंवा युझवेंद्र चहल किंवा दोघांनाही संधी देण्याचा विचार भारतीय संघ करू शकतो.
कॅनडाने आयर्लंडविरुद्ध 12 धावांनी विजय मिळवून आपली क्षमता दाखवली आहे. सलामीवीर ॲरॉन जॉन्सनसारखा खेळाडू प्रतिस्पर्धी संघाला चकित करण्यास सक्षम आहे. मात्र, बलाढ्य भारतीय संघाला पराभूत करणे कॅनडाच्या फलंदाजांना सोपे जाणार नाही. मात्र, पावसामुळे सामन्यात व्यत्यय येण्याची शक्यता आहे.
दोन्ही संघांचे संभाव्य प्लेइंग-11
भारत: रोहित शर्मा (कर्णधार), विराट कोहली, ऋषभ पंत, सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, मोहम्मद सिराज, अर्शदीप सिंग, जसप्रीत बुमराह
कॅनडा- आरोन जॉन्सन, नवनीत धालीवाल, परगट सिंग, निकोलस किर्टन, श्रेयस मोव्वा (विकेटकीपर), रविंदरपाल सिंग, साद बिन जफर (कर्णधार), डिलन हेलिगर, कलीम सना, जुनैद सिद्दीकी, जेरेमी गॉर्डन.
