दुलीप ट्रॉफी 2024 च्या दुसऱ्या फेरीसाठी मंगळवारी चारही संघांच्या संघांची घोषणा करण्यात आली. भारतीय क्रिकेट नियामक मंडळाने (बीसीसीआय) अनंतपूर येथे 12 सप्टेंबरपासून सुरू होणाऱ्या सामन्यांसाठी संघाची घोषणा केली आहे. आगामी सामन्यांसाठी भारत अ, भारत ब आणि भारत ड संघात काही बदल करण्यात आले आहेत. तर भारत क संघ कोणताही बदल न करता खेळणार आहे.
भारत अ संघाचा कर्णधार शुभमन गिल, केएल राहुल, ध्रुव जुरेल, कुलदीप यादव आणि आकाश दीप यांचा बांगलादेशविरुद्धच्या आगामी कसोटी मालिकेसाठी संघात समावेश करण्यात आला आहे. आता हे खेळाडू 19 सप्टेंबरपासून सुरू होणाऱ्या कसोटी सामन्याच्या तयारीला लागतील.
निवडकर्त्यांनी गिलच्या जागी प्रथम सिंग (रेल्वे), केएल राहुलच्या जागी अक्षय वाडकर (विदर्भ) आणि ध्रुव जुरेलच्या जागी एसके रशीद (आंध्र प्रदेश) यांचा समावेश केला आहे. डावखुरा फिरकी गोलंदाज शम्स मुलानी कुलदीपच्या जागी संघात तर आकिब खान (यूपीसीए) आकाश दीपच्या जागी संघात असेल. मयंक अग्रवालला भारत अ संघाचा कर्णधार बनवण्यात आले आहे.
संघ -
भारत अ: मयंक अग्रवाल (कर्णधार), रियान पराग, टिळक वर्मा, शिवम दुबे, तनुष कोटियन, प्रसिद्ध कृष्णा, खलील अहमद, आवेश खान, कुमार कुशाग्रा, शाश्वत रावत, प्रथम सिंग, अक्षय वाडकर, एसके रशीद , शम्स मुलाणी, आकिब खान.
भारत ब: अभिमन्यू इसवरन (कर्णधार), सरफराज खान, मुशीर खान, नितीश कुमार रेड्डी, वॉशिंग्टन सुंदर, नवदीप सैनी, मुकेश कुमार, राहुल चहर, आर साई किशोर, मोहित अवस्थी, एन जगदीसन (विकेटकीपर), सुयश प्रभुदेसाई, रिंकू सिंग, हिमांशू मंत्री (यष्टीरक्षक).
भारत क: श्रेयस अय्यर (कर्णधार), अथर्व तायडे, यश दुबे, देवदत्त पडिक्कल, रिकी भुई, सरांश जैन, अर्शदीप सिंग, आदित्य ठाकरे, हर्षित राणा, आकाश सेनगुप्ता, केएस भरत (विकेटकीपर), सौरभ कुमार, संजू सॅमसन (विकेटकीपर) , निशांत सिंधू, विदावथा कावेरप्पा.
Edited by - Priya Dixit
