आयुष बडोनी, 19 षटकार आणि सर्वात वेगवान शतक ठोकणारा फलंदाज बनला
मंगळवार, 3 सप्टेंबर 2024 (13:38 IST)
उत्तर दिल्ली स्ट्रायकर्सविरुद्ध विक्रमी 19 षटकार ठोकणारा दक्षिण दिल्ली सुपरस्टार्सचा कर्णधार आयुष बडोनी असे मानतो की दिल्ली प्रीमियर लीग (DPL) सामन्यातील त्याच्या उत्कृष्ट टायमिंगमुळे तो 55 मध्ये 165 धावांची विक्रमी खेळी खेळण्यात यशस्वी ठरला.
या 24 वर्षीय उजव्या हाताच्या खेळाडूच्या स्फोटक खेळीच्या जोरावर दक्षिण दिल्ली सुपरस्टार्स संघाने शनिवारी खेळलेला सामना 112 धावांनी जिंकून उपांत्य फेरीचे तिकीट निश्चित केले.
यादरम्यान बडोनीने सलामीवीर प्रियांश आर्य (120) सोबत दुसऱ्या विकेटसाठी 286 धावांची भागीदारी करून टी-20 क्रिकेटमध्ये नवा विक्रम रचला.
इंडियन प्रीमियर लीग (आयपीएल) मध्ये लखनऊ सुपरजायंट्सकडून खेळणाऱ्या बडोनीने 19 षटकार ठोकले, जो टी-20 क्रिकेटमधील एक नवीन विक्रम आहे. याआधी टी-२० सामन्याच्या एका डावात सर्वाधिक षटकार मारण्याचा विक्रम वेस्ट इंडिजच्या ख्रिस गेल आणि इस्टोनियाच्या साहिल चौहान यांच्या नावावर होता. दोन्ही फलंदाजांनी समान 18 षटकार ठोकले होते.
बडोनीने पीटीआय (भाषा) व्हिडिओला सांगितले की, “मी फक्त चेंडू चांगला मारण्यावर लक्ष केंद्रित केले होते, मी एका डावात 19 षटकार मारेन असे मला कधीच वाटले नव्हते. मी फक्त चेंडूच्या वेळेवर लक्ष केंद्रित करतो आणि चेंडूला जोरात मारण्याचा प्रयत्न करत नाही.”
VIDEO | "I thought to attack when left-arm spinner came. When I had hit four sixes, I thought to go for it. Ayush (Badoni) also asked me to go for it, we seldom get such opportunity. My mindset is to win the trophy, I am focussing on semi-final and final. Ayush will come back to… pic.twitter.com/LVMMGDhyJi
या खेळीनंतर आयपीएलच्या आगामी मेगा लिलावात अनेक फ्रँचायझी संघ बडोनीसाठी बोली लावतील.
हा युवा फलंदाज म्हणाला, “मी सध्या (आयपीएल) मेगा लिलावाबद्दल विचार करत नाही. कर्णधार म्हणून माझे लक्ष सध्या डीपीएल जिंकण्यावर आहे.
तो म्हणाला, “आयपीएलमध्ये खेळल्यामुळे येथे (डीपीएल) फलंदाज म्हणून माझे काम खूप सोपे झाले आहे. आम्हाला तिथे जागतिक दर्जाच्या गोलंदाजांचा सामना करावा लागतो आणि मग इथे येऊन खेळणे तुलनेने सोपे होते.”
लखनौ सुपरजायंट्सचे सहाय्यक प्रशिक्षक जॉन्टी रोड्स यांनी बडोनीची तुलना दक्षिण आफ्रिकेचा माजी आक्रमक सलामीवीर फलंदाज हर्शेल गिब्सशी केली आहे. याबद्दल विचारले असता बडोनी म्हणाला, “जोंटी आणि माझे खूप चांगले नाते आहे. अशाप्रकारे कौतुक केल्याबद्दल मी त्याचे आभार मानू इच्छितो आणि एवढेच सांगू इच्छितो की लवकरच भेटू जॉन्टी.”
