दुनियादारी, प्यारवाली लव्हस्टोरी या सुपरहिट सिनेमांनंतर बॉक्स ऑफीसवर संजय जाधव यांची आणखी एकफिल्म येण्यास सज्ज होत आहे. प्रेक्षकांना 'प्रेम', 'मैत्री' या नात्यावर विश्वास ठेवायला शिकवणारे या सिनेमाच्यायादीत आणखी तू हि रे या सिनेमाचं नाव दाखल होत आहे. प्यारवाली लव्हस्टोरीने प्रेमाच्या एका अनोख्याजगात नेलं तर दुनियादारीने मैत्रीची सफर घडवून आणली. आता तू हि रे प्रेक्षकांना कोणत्या वळणा वर घेऊनजाईल याबाबत आतापासून उत्सुकता निर्माण झाली आहे. मालाड येथील इनॉबिर्ट मॉलमध्ये नुकतच संजयजाधव यांच्या आगामी तू ही रे सिनेमाचं ट्रेलर लॉच करण्यात आला. रोमॅंटिक सागा असलेल्या तू ही रे सिनेमाची झलक या निमित्ताने सगळ्यांनी अनुभवली. स्वप्नील जोशी, सई ताम्हणकर, तेजस्विनी पंडित, सुशांत शेलार,गिरीश ओक अशी तगडी स्टारकास्ट असलेल्या या सिनेमात प्रेक्षकांना पुन्हा एकदा लव्ह स्टोरी एका वेगळ्यारुपात पाहायला मिळणार आहे. संजय जाधव यांच्या चित्रपटातील काही वैशिष्ठ्यांपैकी एका म्हणजे सिनेमाची गाणी. अशी ओठांवर रेंगाळणारी गाणी गुरु ठाकूर यांनी लिहिली आहेत. पंकज पडघन आणि अमितराज, शशांक पोवार या तिघांनी मिळून सिनेमाला संगीत दिल आहे. आदर्श शिंदे, अमितराज, वैशाली सामंत, उर्मिला धनगर यांनी सिनेमाची गाणी तर गायली आहेत. सिनेमाची जान म्हणजेच कथा अरविंद जगताप यांनी लिहिली आहे.प्रसाद भेंडे यांच्या कॅमेऱ्याची जादू यंदाही आपल्याला या सिनेमात दिसणार आहे.
करण एंटरटेनमेंटचे मृदुलापडवळ- ओझा, शीतल कुंमार-मानेरे, इंडियन फिल्म्स स्टूडिओचे आशिष वाघ आणि उत्पल आचार्य तसेच ड्रिमिंग ट्वेंटी फोर सेवेनचे दिपक राणे यांच्यासह संजय घोडावत हे सहनिर्माते या सिनेमासाठी यंदा एकत्र आले आहेत. तू हि रे हा सिनेमा ४ सप्टेंबरला प्रेक्षकांच्या भेटीला येणार असल्याने सगळ्यांनाच सिनेमाची उत्सुकता लागली आहे यात शंका नाही.
