या पत्रात असे नमूद केले आहे की, नाशिक येथील कार्यालय बंद करुन तेथील अधिकारी / कर्मचारी यांची इतरत्र रिक्त पदांनुसार पदस्थापना देणेबाबत कळविण्यात आले आहे. तथापि , सिडकोने भाडेपट्टयाने दिलेल्या जमिनी, लिज होल्ड ते फ्री होल्डसम करण्याची व इतर अनुषंगिक बाबींची कार्यवाही अद्याप प्रलंबित असल्याचे निदर्शनास आले आहे.
सदर बाब विचारात घेता , संदर्भाधीन पत्रामध्ये सुधारणा करुन आपणास कळविण्यात येते की , सदर कामाकरीता आवश्यक असणारा कमीत कमी लिपीक वर्गीय कर्मचारी वर्ग नाशिक कार्यालयात कायम ठेवावा . परंतु , अन्य अधिकारी / कर्मचारी , विशेषतः तांत्रिक संवर्ग, यांना आवश्यकतेनुसार इतरत्र पदस्थापना देण्यात यावी व केलेल्या कार्यवाहीबाबत शासनास अवगत करावे असा आदेश दिला आहे.
