जागतिक आणि देशांतर्गत बाजारातील सोन्या-चांदीच्या दराची तेजी कायम असून एमसीएक्स वायदे बाजारात पहिल्यांदाच सोन्याच्या दराने 56 हजार रुपयांची पातळी ओलांडली आहे. ऑक्टोबर डिलिव्हरी सोन्याचे प्रती 10 ग्रॅमचे दर शुक्रवारी सकाळी 300 रुपयांनी वाढून 56 हजार 143 रुपयांवर गेले. चांदीचे प्रतिकिलोचे दरही 1750 रुपयांनी वाढून 77 हजार 802 रुपयांवर गेले आहेत.
सोन्याच्या दरात गुरुवारी 720 रुपयांनी वाढ झाली होती, त्यापाठोपाठ सोने परत 300 रुपयांनी वाढले आहे. देशांतर्गत बाजारात सोन्याचे दर चालूवर्षी तब्बल 44 टक्क्यांनी वाढले आहेत. जागतिक बाजारातही सोने दराचा दररोज नवा विक्रम होत आहे.
