Madhuri Dixit Hair Care Tips: सुंदर केसांसाठी माधुरी दीक्षितची DIY हेअर मास्क आणि हेअर पॅक रेसिपी जाणून घ्या
सोमवार, 31 जुलै 2023 (12:41 IST)
Madhuri Dixit Hair Care Tips:अभिनेत्री माधुरी दीक्षित ही बॉलिवूडमधील सर्वात सुंदर अभिनेत्रींपैकी एक आहे आणि वयाचे 50 वर्ष ओलांडल्या नंतर देखील तिचं हसणं आणि तिचं सौंदर्य कायम आहे. माधुरी दीक्षित तिच्या शरीराची काळजी घेण्यात कोणतीही कसर सोडत नाही आणि यामुळेच त्वचा असो, तंदुरुस्ती असो किंवा केस सर्वच परिपूर्ण असतात. पाहिले तर, माधुरी दीक्षित अनेकदा तिच्या सोशल मीडिया चॅनेलवर तिचे केस, त्वचा आणि फिटनेसशी संबंधित टिप्स शेअर करते.
माधुरी दीक्षितने तिच्या यूट्यूब चॅनेलवर तिच्या केसांची काळजी घेण्याचे रहस्य शेअर केले होते ज्यात तिच्या DIY तेल आणि DIY हेअर पॅक रेसिपीसह काही जीवनशैली टिप्स समाविष्ट आहेत. चला तर मग जाणून घेऊया केसांची काळजी घेण्याच्या टिप्स.
1. निरोगी जीवनशैली-
निरोगी जीवनशैली हे माधुरीचे पहिले रहस्य आहे . जर तुम्ही निरोगी जीवनशैली पाळली नसेल तर त्याचा परिणाम तुमच्या त्वचेवर आणि केसांवर नक्कीच होतो. पाणी शरीरातील सर्व विषारी पदार्थ काढून टाकण्यास मदत करते आणि त्वचेला हायड्रेट ठेवते, म्हणून योग्य आहार आणि बायोटिन सारख्या व्हिटॅमिन सप्लिमेंट्ससह पाणी प्या. माधुरीने तिच्या व्हिडिओमध्ये ओमेगा 3 फिश ऑइलच्या गोळ्यांबद्दलही सांगितले आहे.
2. केस नेहमी ट्रिम करत रहा-
केसांच्या नियमित वाढीसाठी त्यांची कापणी करणे आवश्यक आहे जेणेकरुन खराब केस काढून टाकता येतील आणि त्यासोबत केसांची वाढ होईल.
3. हीटिंग उत्पादनांपासून दूर राहा-
केसांमध्ये हेअर ड्रायर आणि हॉट आयर्नचा नेहमी वापर केला तर केसांचे नुकसान खूप जास्त होते. त्यामुळे त्याचा नियमित वापर न करणे चांगले.
4. सामान्य टॉवेलने केस पुसू नका-
केसांवर मायक्रोफायबर वापरा. सामान्य टॉवेल केसांना नुकसान पोहोचवतो आणि केस व्यवस्थित कोरडे करत नाही. त्यामुळे मायक्रोफायबर कापड ५. चांगले.
5. खूप गरम पाण्याने केस धुवू नका-
केसगळती आणि कोंड्याच्या समस्येपासून मुक्ती मिळवायची असेल तर खूप गरम पाण्याने केस धुवू नका. टाळूच्या केसांच्या कूपांना इजा झाल्यास केसांना गंभीर नुकसान होऊ शकते. त्यामुळे कोमट किंवा थंड पाण्याने केस धुवा.
6. केसांवर हळुवार कंगवा करा-
जर तुम्ही केस कंगव्याने खूप घट्ट ओढले असतील तर केस अधिक तुटतील. त्याऐवजी, केसांना इजा होऊ नये म्हणून केसांना हलक्या हाताने कंगवा करा.
7. खूप थंड ठिकाणी केस झाकून ठेवा-
जर तुम्ही खूप थंड ठिकाणी राहत असाल तर केस खराब होणार नाहीत म्हणून केसांना मंकी कॅप किंवा स्कार्फने झाकून ठेवा. जेणे करून ते खराब होणार नाही.
8. तेलाने मसाज (माधुरीचे DIY तेल)-
केसांना नियमित तेलाने मालिश करणे देखील आवश्यक आहे. केसांचे पोषण करण्यासाठी हे अवलंबवा.
माधुरी दीक्षित DIY केसांच्या तेलाची रेसिपी
साहित्य-
1/2 कप खोबरेल तेल
15-20 कढीपत्ता
1 टीस्पून मेथी दाणे
1 छोटा कांदा किसलेला
काय करायचं-
सर्व गोष्टी एकत्र उकळून थंड करून गाळून घ्या. एका भांड्यात काढा आणि 2 दिवस असेच राहू द्या. त्यानंतरच ते वापरासाठी तयार होईल.
माधुरीच्या म्हणण्यानुसार, या तेलात अनेक पोषक तत्व असतात जे केसांना निरोगी ठेवू शकतात.
माधुरी दीक्षितची हेअर मास्क रेसिपी-
माधुरी दीक्षितनेही तिच्या हेअर मास्कची रेसिपी शेअर केली आहे.
साहित्य-
1 केळी
2 चमचे दही
1 चमचे मध
काय करायचं-
हे सर्व घटक चांगले मॅश करा आणि नंतर केसांना लावा आणि शॉवर कॅप लावा. 30-40 मिनिटे असेच राहू द्या आणि नंतर तुम्ही आधी शॅम्पू कराल तसे करा. यानंतर कंडिशनर लावू नका. जेणेकरून केसांची चमक आणि गुळगुळीतपणा कायम राहील.
