त्यानंतर, या सर्व प्रकरणाची गृह विभागाने गंभीर दखल घेत जालना पोलीस अधीक्षक तुषार दोषी यांच्यावर पहिली कारवाई केली होती. पोलीस अधीक्षक दोषी यांना सक्तीच्या रजेवर पाठवण्याचे आदेश गृह विभागाने काढले होते. मात्र, आता दोषी यांची जालना येथून बदली करण्यात आली आहे. तुषार दोषी यांची बदली पुण्यातील गुन्हे अन्वेषण विभागाच्या पोलीस अधीक्षक पदी बदली करण्यात आली आहे.
विशेष म्हणजे आजच आंतरवाली सराटीतील लाठीमारचे आदेश गृहमंत्री देवेंद्र फडणवीस यांनी दिले नव्हते याची माहिती समोर आली होती. तर, दुसरीकडे आजच तुषार दोषी यांच्या देखील बदलीचे आदेश निघाले आहे. मराठा आरक्षणाच्या मुद्यावर मनोज जरांगे हे अंतरवाली सराटी गावात उपोषणास बसले होते.
