महाराष्ट्र विधानसभा निवडणूक या वर्षाच्या अखेरीस होणार असून अद्याप तारखा जाहीर केल्या नाही. महाराष्ट्र विधानसभा निवडणुकीबाबत सर्वच पक्षांमध्ये जागावाटपाची चर्चा रंगली आहे. सूत्रांनी दिलेल्या माहितीनुसार, महाविकास आघाडीच्या (एमव्हीए) बैठकीत 130 जागांच्या वाटपावर एकमत झाले आहे.
सूत्रांनी दिलेल्या माहितीनुसार, विदर्भ, मराठवाडा, मुंबई आणि कोकणातील काही जागांवर महाविकास आघाडीमध्ये वाद आहे. जागावाटपात प्रत्येक जिल्ह्याच्या स्थानिक पातळीवरील राजकीय परिस्थितीचा आढावा घेतला जात आहे. त्यामुळे जागा वाटपात विलंब होत आहे.
