लोकसभा निवडणुक 2024 च्या पार्श्वभूमीवर महाराष्ट्रातून एक धक्कादायक बातमी समोर आली आहे.भाजपने उद्धव ठाकरे गटावर हल्ला करत दावा केला आहे की 1993 च्या साखळी बॉम्बस्फोटातील आरोपी इक्बाल मुसा उर्फ बाबा चौहान हे अमोल कीर्तिकरांच्या निवडणूक रॅलीत उपस्थित होता.अमोल कीर्तिकर उत्तर पश्चिम मुंबईतून निवडणूक लढवत आहे.
याप्रकरणी महाराष्ट्र भाजप अध्यक्ष चंद्रशेखर बावनकुळे यांनी शिवसेना यूबीटीवर हल्लाबोल करत उद्धव ठाकरेंना माफी मागण्यास सांगितले आहे. बावनकुळे म्हणाले की, उद्धव मुख्यमंत्री असताना 1993 च्या बॉम्बस्फोटातील दोषी याकूब मेमनच्या कबरीचे सुशोभीकरण करण्यात आले होते. याशिवाय औरंगजेब आणि टिपू सुलतान यांचा गौरव करण्याचा प्रयत्न झाला. बावनकुळे म्हणाले की, आज मुंबई बॉम्बस्फोटातील आरोपी आपल्या उमेदवाराचा प्रचार करत आहेत.1993 च्या बॉम्बस्फोटानंतर बाळासाहेब ठाकरे यांनीच मुंबईचे रक्षण केले. आज बाळासाहेब ठाकरेंच्या आत्म्याला काय वाटत असेल?
मात्र, शिवसेनेचे उद्धव ठाकरे गटाचे उमेदवार अमोल कीर्तिकर यांनी भाजपच्या या आरोपांपासून दुरावले आहे. अमोल कीर्तिकर यांनी स्वतःचा बचाव करताना इक्बाल मुसा यांना वैयक्तिकरित्या ओळखत नसल्याचे म्हटले आहे.माझ्या रॅलीत कोणी आरोपी येत असेल तर त्याला रोखण्याची जबाबदारी राज्याच्या गृहखात्याची आहे, असे ते म्हणाले.
