डेटिंग अॅप्स कामास आले नाहीत म्हणून एका तरुणाने आपल्यासाठी प्रेयसी शोधण्यासाठी अशी युक्ती लढवली की तो ट्विटरवर चर्चेचा विषय ठरला. त्याने एका बिलबोर्डावर जाहिरात दिली. यात त्याने स्वत:ला सिंगल सांगत डेट करू इच्छित मुलींनी संपर्क करावा असे म्हटले आहे. यानंतर या व्यक्तीकडे 100 हून अधिक प्रस्ताव आले आहेत.
एका मीडिया रिपोर्टप्रमाणे मार्क रोफने सर्व डेटिंग अॅप्स वापरून झाल्यावर प्रेयसी शोधण्यासाठी ही युक्ती लढवली. बिलबोर्डावर आपली जाहिरात देण्यासाठी त्याने सुमारे 40,000 रुपये खर्च केले. मार्कने यूकेच्या मेनचेस्टरच्या अधिकाधिक रहदारी असलेल्या रस्त्यावर लागलेल्या या बिलबोर्डावर आपली जाहिरात दिली.
मार्कने म्हटले की मी प्रेमाचा शोध घेत दमलो आणि माझ्या मित्राला बिलबोर्डावर जाहिरात द्यावी अस म्हणून हसत होतो परंतू नंतर मला वाटले की हा आयडिया वाईट नाही. मी वेडा असल्याचं अनेकांना वाटत असेल कारण यासाठी 40 हजार रुपये खर्च करावे लागले परंतू जर मला आपलं प्रेम सापडलं तर ही डील महागात पडली असे वाटणार नाही. मी याला फनी बनवण्याच प्रयत्न केला आहे याने कदाचित मला माझं प्रेम मिळून जाईल.
