मध्यप्रदेशातील अनुपपूर जिल्ह्यातील अमरकंटकमध्ये हे पवित्र नर्मदा नदीचे उगमस्थान आहे. येथे नर्मदेच्या काठावर अनेक मंदिरे आहेत. लोक या मंदिरात येतात आणि नवस मागतात.आणि नवस पूर्ण झाल्यावर मंदिरातील हत्तीच्या पुतळ्या खालून निघतात. अशी आख्यायिका आहे. नवस पूर्ण करण्यासाठी एक तरुण हत्तीच्या पुतळ्या खालून निघताना हत्तीखाली अडकल्याची घटना घडली आहे. या घटनेचा व्हिडीओ सोशल मीडियावर व्हायरल होत आहे. हा व्हिडीओ कधीचा आहे हे सांगण्यात आलेले नाही. हत्तीच्या पुतळ्याखालून बाहेर पडताना एक तरुण अडचणीत आल्याचे व्हिडिओत दिसत आहे.
हा व्हिडिओ 5 डिसेंबर रोजी ट्विटर हँडलवरून शेअर करण्यात आला आहे. काही तासांतच हा व्हिडिओ जवळपास दोन लाख लोकांनी पाहिला आहे. मजेशीर व्हिडिओ सोशल मीडियावर मोठ्या प्रमाणात व्हायरल होत आहे. नवस पूर्ण झाल्यानंतर एक तरुण हत्तीच्या मूर्तीखालून जात होता, असे सांगितले जात आहे. पुतळ्याखालून जात असताना तो तरुण मध्येच अडकतो. मध्येच अडकल्यानंतर त्याला बाहेर पडणे कठीण जात आहे. त्यानंतर तो इतर लोकांची मदत घेतो.
हत्तीच्या पुतळ्याखाली अडकलेल्या तरुणाच्या मदतीला लोक आले. यानंतर तिथे उपस्थित असलेले काही लोक त्याला तिथून कसे बाहेर पडायचे हे सुचवतात. लोक शरीराचे वेगवेगळे भाग दाबण्याचा सल्ला देत होते. अडकल्यानंतर तरुण बाहेर पडण्यासाठी तळमळत होता. तो खरोखरच संकटात सापडला आहे असे वाटत होते. तासाभराच्या प्रयत्नानंतर या तरुणाला मूर्तीखालून बाहेर काढण्यात यश आले. अडकल्याने त्याचा श्वास रोखला गेल्याचे सांगण्यात येत आहे.
